ازاي تكون اصدقاء وتعمل صحاب

  • ازاي يبقي عندك صحاب ؟!
    كتير بتسأل في من ناس عن ازاي اعمل صحاب وازاي احافظ علي الصداقه و ان المشكله ده بتجيب وراها شعور بالوحده وملل في الحياه.
    فحبيت اعمل المقاله دي واضيف شويه افكار ممكن تساعد في ايجاد اصحاب وتقويه الروابط معاهم:
  • انضم لجروبات علي الانترنت في مجالات شغلك او هواياتك وتفاعل مع الناس لحد ماتلاقي حد بيشبة تفكيرك وابدا تواصل معاه بشكل خاص وتقابلو بعد فتره وتبدأ صداقتك بيه
    -فتش في علاقاتك القديمة الكويسه لكن انقطعت من فتره وشوف منها التجارب الكويسه وانعشها تاني بمكالمة تليفون او زياره او عزومة
  • ادرس حاجه جديده وفي اماكن الدراسه هاتلاقي ناس شبهك تقدر تبدأ معاهم صداقه كويسه مستمره طول مانت بتدرس وبعدها كمان
  • اتعرف علي صحاب صحابك لما تيجي فرصه وتجمعكم انتهزها وخد رقم تليفون واسأل عنه بعدها بكم يوم
  • اقعد علي القهاوي بالذات ايام الماتشات المهمة وتفاعل مع الناس زي مثلا ادخل في منافسه طاوله او دومينو مع ناس في القهوة وروح يومين تلاته في الاسبوع لحد ماتتحفظ في المكان وتبدأ تكون صحاب
  • دور في شغلك علي اصدقاء عندهم نفس ميولك وشارك معاهم في الفطار مثلا
  • روح البحر او المول في ايام الاجازات عشان بتبقي زحمة وهناك تفاعل مع الناس زي مثلا وانت بتشتري حاجه من مول خد رأي حد واقف جنبك ومسيرك تلاقي حد ينفع تكون معاه صداقه.
  • اذا في امكانيات ماديه شارك في اي انشطه رياضيه او فنيه وفيها بتلاقي اصحاب كتير نفس ميولك
  • لو انت عاذب وعايش لوحدك ماتسكنش لوحدك وحاول تسكن في وسط ناس علي الاقل فتره عشان تكون منهم صحاب وبعد كده لو مقتدر اسكن تاني لوحدك او انت وصحابك بس
  • طب يامستر احمد ازاي اقدر احافظ علي الاصدقاء ؟!
    دي شويه افكار مهمه عشان تقدر تكمل الصداقه دي:
  • مش اي حد تلاقيه تصاحبة الفكره مش بالكتره لكن في الفعاليه يعني اختار صحابك بعنايه عشان ده بيفرق حجات كتير في حياتك في المستقبل وطبعا ابعد عن اضحاب النفوذ الضعيف او المجرمين واللي شبههم
    -اي حد تبدا معاه الصداقه داوم علي الاتصال بيه كل يومين تلاته عشان تتكون بينكم روابط وبالتالي هو كمان هايبقي بيتواصل معاك وبيسال عنك من وقت للتاني
  • اعمل قايمة علي موبايلك باعياد ميلاد ومناسبات اصدقائك المهمة وباركلهم وعيد عليهم
  • تجنب السلوكيات المنفره مع اصدقاءك الجدد زي مثلا التطفل عشان الناس ماتهربش منك
  • ماتمشيش ورا الناس الي بتدخل بتقلها في الصداقه معاك ويبدئو يسوقولك حجات او يوهموك باستثمارات وهميه عشان ماتخسرش
  • خليك دايما مشارك ايجابي لصحابك وودود ونصوح ودايما جنبهم في مواقفهم الصعبه عشان ده هايرجعلك تاني.
  • “تهادو تحابو” من وقت للتاني قدم هدايا ولو بسيطه لاصدقئك زي مثلا عزومة بسيطه ممكن تصنع فرق كبير

واخيراً
خليك فاكر المثل الي بيقول “اختار الصديق قبل الطريق” وهي الحياه دي طريق بنمشي فيه فماتضيعش الطريق في ناس مش بتضيفلك وماتفرحش باللمة الكدابه لكن شوف مين يقدر يكملك ويضيف لحياتك

كل لك ياصديقي
المدرب #احمد_جمعة
www.mrAhmedGomaa.com

Share This:

اكتب تعليقُا

لن يتم نشر عنوان بريدك الإلكتروني. الحقول الإلزامية مشار إليها بـ *