العمر بيعدي سرسبة زي حبات رمل في ساعة رملية مهما كتر او زاد مسيرة فلحظة يخلص ، فالحقيقة مش مهم انك تعيش او حتي تموت الاهم انك تنجح وتسيب بصمة
قبلي وقبلك عدد لا يحصى من البشر ربنا خلقهم عشان يعمرو فالارض بكل الصور وبالرغم من ذلك كتير منهم بل الاغلب منفتكرهوش ولا بالحلو ولا بالوحش لانة مكانش لية دور مميز او معملش شئ ناجح نفتكرة بية او حتي فاد نفسة
السلبية هي الوقود الي بيساعد علي اشتعال الامل وانهيار العمل ..
لية باه تعيش سلبي وتحرق الامل جواك ومتكونش مؤثر او ناجح او سايب بصمة لنفسك او لاسرتك او للمجتمع او للعالم ككل .. هم الي نجحو قبلنا احسن مننا في اية ؟!
كل البشر تقريبا متشابهين في نفس الامكانيات الي ربنا خلقهالنا وييسرهالنا وسخرها لنا .. ولكن نفترق كلنا عن بعض في حسن استغلال الامكانيات دي ، فمنا الي اخترع بيها حاجة فادت العالم وغيرت مصير الكون ، ومنا الي ركنها ومستغلهاش لحد مامات واندفنت معاه تحت التراب ومبقاش لها اثر ولا وهي حية ولا ميتة … طب لية؟
انت عارف ان الفرص الي ربنا بيبعتهالك كتير اوي وبتمر قدام عنيك طول الوقت ولكن للاسف مفيش صياد بيشوف السمك وهو جوة الماية ولكن لازم يبزل مجهود عشان يصطادة ويطلعة قدام عنية .. يعني م الاخر الحكاية كلها قايمة علي انك تبذل شوية مجهود عشان تقدر تشوف الفرص دي واضحة وتعرف تستغلها…
مش بس كدة انت ممكن الفرصة تبقي واضحالك وضح النهار بس انت مش مركز فيها ومعتمد علي انها متوفرة فبتركنها وتأجلها اي وقت تاني لحد ماتبدأ قيمتها تقل وبريقها ينطفي ويوم ماتيجي تحتاجها يامتلاقيهاش ياتلاقيها راحت قيمتها … بالظبت زي تذكرة القطر عمر قيمتها مابتفضل لو معاد القطر فات بدقيقة واحدة حتي .. يعني الحاجة في وقتها بتبقي بقيمتها ودة الي ممكن يخليك تحسن حياتك كلها لما تبص وتفتش فوسط الحياة من حوليك اية الي فيها ممكن يكون فرصتك واية الي فيها محتاج مجهود عشان تطلع فرصتك منه … علي كل حال انت صاحب قرارك سواء مقتنع او مش مقتنع بدة حتي لو بتقول انا نمبعرفش اصنع قرار فدة في حد ذاتة معناه انك خدت قرار انك متاخدش قرار وخد قرار انك توكل غيرك ياخدلك قرارات تحدد مصيرك ودة للاسف معناة انك بتلغي نفسك الي هاتتسئل عنها بنفسك عند ربنا.
انا عارف انة من سنة الكون ان يكون في ناس ناجحة وناس عادية بس الي مش طبيعي ان يكون في ناس اقل من العادية وباختيارهم .. طب اقولك علي سر
ربنا مخلقناش عشان نبقي كلنا ناجحين ولا نبقي كلنا علي القمة بالعكس ربنا خلقنا عشان نبقي علي الطريق وبنسعي ودة لية اجر كبير جدا عند ربنا ، اوسكار وايلد الكاتب الانجليزي المعروف لية مقولة بيقول فيها ” هناك شئ اسوأ من الفشل وهو عدم المحاولة ” يعني السعي هو كل حاجة والحركة بركة زي مابيقولو والاهم من الحركة من وجهة نظري هو الاستمرار فيها عشان تحقق النتيجة الامثل .
كلام كتير ممكن يتقال عشان يخليك تتحرك .. لك كتر الكلام ملوش اي لزمة الا لو انت من جواك قررت تتغير … وآمنت بقدرة ربنا فيك ..
فالاخر خليني اسئلك .. مستني اية ؟ ولية متكونش اللحظة دي لحظتك ؟
#اجتهد_تجد
#احمد_جمعة
للمزيد: www.MrAhmedGomaa.com
ان اعجبك لا تبخل ب Share ولا تبخل بتعليقاتك المفيدة التي تدعمنا لتقديم الافضل دائما
